أول تدوينة

انه اليوم 23 من شهر اغسطس الجمعة منتصف الليل اول اليوم يعني 

كتبت انا اول تدوينة 

هي مش اول تدوينة اوي يعني .. أنا كتبت قبل كده في مدونات سابقة من ييجي كام سنة 

الموضوع كان بيتلخص ف تلت خطوات

خطوة اولي اعمل مدونة و اكتب فيها

خطوة اتنين اسبوعين تلاتة ..  ازهق منها و ابطل ادخلها

خطوة تلاتة اسبوعين تلاتة و انسي الباسوورد بتاعتي و انسي المدونة نفسها كمان !

من كام شهر صحابي بدأو يقولولي ما تعملي مدونة بقي

هي جت عليكي يعني ما كله بيعمل و بيكتب اي كلام .. اكتبي انتي كمان

فكرت جديا ف الموضوع بس كسلت .. و بصراحة مقدرش اتابع حاجة فترة طويلة بيجيلي ملل

بقالي كام يوم بقي بفكر ادون بجد 

مش عشان حاجة غير اني اطلع التخاريف بتاعتي اول بأول 

ممكن يكون السبب اني قفلت اكاونت الفيس القديم اللي كان مليان ناس بكتبلهم تخاريفي و يقروها و يرجعو يقولولي اعملي مدونة ؟؟ ممكن 

المهم ان حسيت اني محتاجة مساحة اكتب فيها براحتي بعيد عن مرض الصفرا اللي عدي الفيس كله !!

و صور السيسي اللي مالية الشوارع!!

 قررت اتغلب علي الزهق اللي عندي و اعمل مدونة .. ايه يعني لو زهقت منها كالعادة .. مش هيحصل حاجة !

لل هيحصل يعني انا هقعد اكتب كلام و ف الاخر اضيعه و معرفش اوصله !!!

دينا بتحاول تشجعني :D 

""يا ستي اعملي واحدة و خلاص""

انا: انا مجنونة يا دينا و كل شوية بغير اكاونت و ايميل جديد
اعمل مدونة ازاي انا و انا متقلبة المزاج الالكتروني اوي كده  :D

دينا: ههههههههه حاولى تثبتى حاجه واحده على الاقل...امال هتتجوزى ازاى؟؟ اعتبرى المدونه خطيبك :D

أنا : يخربيت القلش :D

دينا: ألش و اذن و حنجرة :D

 *********************

و هنا يتضح حاجتين مهمين 

انا متقلبة المزاج اوي دي حاجة 

الحاجة التانية انا لازم اتعالج :D

خطة العلاج : ايميل جديد :D

هستخدم منه كل حاجة الدونة و ال play store و الفيس و الجود ريدز

و يا سلام لو ينفع امتحن بيه :D

علي بركة الله بقي يا رب العلاج ينفع و اثبت علي حاجة بقي :D

الساعة دلوقتي 12 بالظبط 

صباحكم خير يا بشر :D